Maila-on baea kamo magtan-aw it reality adventure game show sa telebisyon? Mapa-Amazing Race hasta Extra Challenge? Sa Desyembre 10-18, 2005 ro Department of tourism kaibahan it mga lokal nga gobyerno eabi-eabi gid ro Munisipyo it Kalibo ag ro mga pribadong sector kamana ko X-Events Unlimited, MGM Advertising ag Extreme Concept hay gintukoy nga mangin pit stop ro aton nga ginapabugae nga Bakhawan EcoPark para sa Visayas leg it Island Paradise Adventure Race. Ro Island Paradise Adventure race hay maikumpara naton sa sikat nga international adventure game show nga amazing Race kung siin ro mga ga-ieintra sa nasambit nga paindis-indis hay maga-umpisa sa Rizal Park, maagi sa mga banwa ag syudad nga una sa aeagyan it Strong Republic Nautical highway o Ro/Ro kaibahan eon ro Bakhawan EcoPark ag magatapos sa syudad it Cebu sa idaeum it siyam (9) nga adlaw.
Tungod hakita ngara ro Island Paradise adventure Race hay mayad nga paagi para mai-promote ro turismo, heritage ag kultura naton, ro Munisipyo it Kalibo hay ginapabugae ro pagkapili it atong Bakhawan EcoPark bilang isaea sa mga pit stop ag pagapadayunon ro pag-promoteit atong trismo bukon eang it aton nga Bakhawan EcoPark ag mother of all festivals, nga Kalibo Sto. Niño Ati-Atihan festival kundi ro Manggad it Kalibo kaibahan kara ro Piña ag Ati-Atihan Village nga bukas ra sa bug-os nga dag-on.
Ro tikang ngara hay nasandig sa pagpaadto it banwang Kalibo sa isaeang ka world-class nga banwa. Raya hay sa pagpanguna it atong hinaeangdon nga alkalde, si Mayor Raymar A. Rebaldo. /MP
No comments:
Post a Comment