Sa mabuhay nga paghinueat hay may una eon nga bag-ong lokasyon ro library it Kalibo. Matawag aton eon rang world-class library kun siin rung atong mga kabataan, estudyante, ag mga propesional nga Kalibonhon hay makatu-on, maka-obra it research o makabasa- basa. Ro ginaplanong bag-ong lokasyon it Kalibo Municipal Library hay nahamutang sa Second Floor it Capt. Gil M. Mijares Building, sa ibabaw eamang ra it Kalibo PNP Station nga may dogalingon nga kumbinyenteng aeagyan sa kilid it baeay nga naga-atubang sa Pastrana Park ag ro ana nga kabahoe hay daywang dobli sa atong dating library maeapit sa Municipal Hall.
Rong pagtao it bag-ong lokasyon sa Kalibo Municipal Library hay napatuman sa awtoridad nasandig sa Local Government Code nga gintao sa atong hinaeangdon nga alcalde nga si Mayor Raymar A. Rebaldo nga ana man gin-delegar sa isaeang ka Kometiba nga gin pangunahan ni SB member Hon. Lilian Q. Tirol, ag ni SB member; Hon. Mark V. Quimpo nga maga dumaea sa hustong pag gamit it Capt. Gil M. Mijares Building bilang isaeang ka propiedad it Munisipyo.
Rong ideal nga lokasyon sa second floor it Capt. Gil M. Mijares Building hay magatao it mayad-ayad nga seguridad para sa mga nagagamit it library tungod maeayo sa mga bintana ag sangag it mga saeakyan sa karsada nga maga serbing distraksyon sa atong mga naga basa. Maseguro man ro seguridad it mga maeahaeon ag makoli nga mga toeon-an sa library.
Kumpara sa daan nga lokasyon sa may Municipal Hall nga ro kabahoe hay dyes por kwatro metro, ro bag-ong lokasyon para sa Kalibo Municipal Library hay may kabahoeon it disi-nwebe por siyete metro nga ginaplanong ipa-air condition para maging kumbinyente gid sa mga naga-research ag nagatu-on.
Raya hay nagapakita eamang ko mabahoe nga pagtamud sa edukasyon bilang isaeang ka nagapangunang prayoridad ko gobyernong local it banwang Kalibo. /MP
Rong pagtao it bag-ong lokasyon sa Kalibo Municipal Library hay napatuman sa awtoridad nasandig sa Local Government Code nga gintao sa atong hinaeangdon nga alcalde nga si Mayor Raymar A. Rebaldo nga ana man gin-delegar sa isaeang ka Kometiba nga gin pangunahan ni SB member Hon. Lilian Q. Tirol, ag ni SB member; Hon. Mark V. Quimpo nga maga dumaea sa hustong pag gamit it Capt. Gil M. Mijares Building bilang isaeang ka propiedad it Munisipyo.
Rong ideal nga lokasyon sa second floor it Capt. Gil M. Mijares Building hay magatao it mayad-ayad nga seguridad para sa mga nagagamit it library tungod maeayo sa mga bintana ag sangag it mga saeakyan sa karsada nga maga serbing distraksyon sa atong mga naga basa. Maseguro man ro seguridad it mga maeahaeon ag makoli nga mga toeon-an sa library.
Kumpara sa daan nga lokasyon sa may Municipal Hall nga ro kabahoe hay dyes por kwatro metro, ro bag-ong lokasyon para sa Kalibo Municipal Library hay may kabahoeon it disi-nwebe por siyete metro nga ginaplanong ipa-air condition para maging kumbinyente gid sa mga naga-research ag nagatu-on.
Raya hay nagapakita eamang ko mabahoe nga pagtamud sa edukasyon bilang isaeang ka nagapangunang prayoridad ko gobyernong local it banwang Kalibo. /MP
No comments:
Post a Comment