Ro Mobo-Libtong tulay nga naga konekta ku "vegetable basket" it Kalibo, ro isla – barangay it Mobo sa Kalibo, hay gina padayon eon ro pagkaayad agod maga pag-on.
Gin umpisahan eon ro pag obra ko Lunes, Enero 24 it DPWH – Aklan Engineering District sa pagpamuno ko OIC District Engineer Roberto Cabigas. Gina eauman nga matapos ro pag kaayad sa sueod it gintaeana nga tiyempo.
Matandaan nga ro nasambit nga tulay hay gintinguhaan gid it Sangguniang Barangay it Mobo sa pagpamuno ko dating Punong Barangay Wendell Tayco ag ko mga barangay Kagawad nga sanday Hon. Cesar S. Goopio Jr., Hon. Anila M. Fuentes, Hon. Reynaldo A. Bais, Hon. Neil P. Rico, Hon. Nolito T. Gregorio, Hon. Ricky T. Masangya, Hon. Napoleon V. De Felipe. SK Chairman Leslie Ann G. Torre, Barangay Secretary Joeril A. Dela Cruz, ag Barangay Treasurer Alma R. Macabante nga ikaduhoe sa pag taeu-pangod ni Cong. Joeben T. Miraflores.
Paagi sa Barangay Resolution No. 11, Series of 2010 ko Hunyo 19, 2010 ag gin suplementohan it Sangguniang Bayan Resolution No. 2010-053 nga gin sponsoran ni anay Ex-Officio SB member Tayco, para mapondohan halin sa Priority Development Assistance Fund ni Cong. Miraflores. Owa imaw magduha-duha sa pag pondo it P2 milyon para mabayluhan ro floor planks, stringers, ag transom nga kahoy it steel structures, para mangin malig-on, ag mapa eumo eon ro pagtabok it mga pumueoyo ag ro andang mga agricultural products. /MP
No comments:
Post a Comment