KASAFI, Nagpaguwa It Kwenta 2012

Daywang dominggo eamang matapos ro Ati-Atihan Festival, naka-pasa eon it Financial Report rong Kalibo Sto. Niño Ati-Atihan Foundation Incorporated (kasafi). Ko Lunes it hapon, Enero 30 sa ikaywang panaygan it Capt. Gil Mijares Building, sa prente ku mga stake holders, sponsors, 30 ka representante it mga Tribu ag Tri Media sa Aklan, gin-presentar sa pumoeoyo ro kwenta (Financial Report) sa natapos nga selebrasyon it Kalibo Sto. Niño Ati-Atihan Festival 2012.

Sa pagpanguna ni Mr. Raffy Leyson, Tresurero it KASAFI ag Mila Balleza, ginbalita it Kalibo Sto. Niño Ati-atihan Foundation, Inc. (KASAFI) nga may una nga “account receivable halin sa souvenir programs nga P 69,000. Raya hay ana it San Miguel Brewery Inc. –P 120,000, Smart Coomunication –P 250,000, MKWD –P 100,000, Sangguniang Panlalawigan – P 25,000, Hon. Jean Rodriguez-P25,000, Hon. Daisy Briones – p 25,000, Hon. Rodson Mayor P 20,000, Hon. Phoebe Clarisse Cabagnot – P 20,000, Hon. Jonah Torres - P 20,000, Hon. Victor Manuel Garcia – P 20,000, Hon. Selwyn Ibareta – P 5,000 ag Hon. Jose Enrique Miraflores – P180,000.

Si Hon. Joeben Miraflores man hay may taeaw-an pa nga P 1 million busa, ro suma-total nga P1,864,440.00. Ginpahayag ni Leyson nga base sa andang pag-istorya sa munisipyo it Kalibo, gin kasugtanan nga ro anuman nga municipal tax nga dapat bayaran sa Ati-Atihan Festival hay gina-refund ag rong kabilugan it buhis nga ginbayaran sa durasyon it festival hay P145,440.00.

Ro kabilugan nga gasto hay nag abot sa P 4,222,788.74. Raya ro actual receipt parabil magtakup ro buean. Ro balance man ko Enero 31, 2011 hay P1,223,826.57 ag ro total receipt hay P4,296,990.45. Busa ro kabilugan nga kita ag idugang ro Enero 2011 balance hay P 5,520,817.02. Ro tubo ko deposito sa BPI hay P 32,384.87. Sandig sa pagpahayag ni Leyson, andang ginbutang ro P 1 million sa Special Deposit Account agod maka-angkon it mabahoe nga tubo nga maka dugang sa pondo it KASAFI.

Sa rondayang kabang-danan, ro kita sa makaron nga selebrasyon it Ati-Atihan hay P5,553,201.89. Ibuhin kara ro gastos nga P4,222,788.74, may ganansya nga P1,330,413.15. Kon idugang kara ro sueokton nga P1,864,440, hay may kabilugan nga P3,194,853.15.

Ginpahayag man it KASAFI nga maga butang man sanda it kopya sa andang bulletin board para sa sin-o man nga bu-ot magpamantaw ku kabilugan nga kita it selebrasyon. /MP