Thursday, February 23, 2012

May Kalibo Municipal Legal Officer Eon

Atty. Buenas Aires Dela Cruz – Rivera

Kumpirmado eon ro appointment papers ni Atty. Buenas Aires Celi C. Dela Cruz – Rivera bilang Municipal Legal Officer it munisipalidad it Kalibo. Nag-atubang ag nag pakilaea si Atty. Dela Cruz ku anang kaugalingon sa mga katapu it Sangguniang Bayan it Kalibo. Guin paabot nana ro anang kaha-uman nga magbulig sa banwa it Kalibo sa aspetong legal. Si Atty. Celi hay nag panerbisyo anay sa Barotac Nuevo, Iloilo nga sangka Legal Officer it daywang dag-on.

Imaw hay nagtapos sa pag eskwela sa pagka abogado ag nakapasa sa Bar Exam ku 2006. Nag-praktis man imaw ku anang propesyon sa Iloilo ag Kalibo. Nag obra man imaw sa National Telecommunications Commission nga sangka Hearing Officer sa sueod it sang dag-on ag tunga.

Ginasaligan ag guina pasaeamatan gid it Sangguniang Bayan it Kalibo ro pagbaton ni Mayor William Lachica sa appointment ni Atty. Celi. May magabulig eon sa pag-asikaso sa mga bueohaton ku munisipyo nga naga-kinahangean it abogado. (by Doniel B. Aguirre. /MP

No comments: