Ni Tita Linda Belayro
Kadena De Amor
Himpit Nga Paghigugma
Owa guinabaliha ni Bering ro kainit it adlaw sa pagbinaligya it sweepstake. Tunod eon ro adlaw parabil nana aywan ro poeongkuan sa kilid it karsada sa pagbaligya it mani, tseklet ag sigarilyo maeapit sa terminal it bus. Kinahangean nana kumita it mabahoe para sa pang matrikula ko anang onga nga si Eddie. Maga gradwar eon si Eddie sa high school sa rayang dag-on. Abo guid ro anang handum para sa anang onga ngani maskin malisod sa pagpangita, guina tiis nana.
Sa maeapit nga kanto, may isaeang ka magueang nga babaye rong hakita ni Bering nga natumba ag tumama ro oeo sa bato. Dali-dali nana nga guin sapupo ro magueang. Agod masalbar, guindaea nana sa hospital. Tongod owa it pa-ngalibutan, guin bantayan anay nana hasta nga naka bugtaw. Sa kaeo-oy it Diyos, nasayran ko magueang kon ano ro natabu kana. Guin patawagan kay Bering ro anang onga sa address nga guin tao kana it magueang.
Owa magbuhay, pu-mundo ro isaeang ka maeahaeon nga saeakyan ag nanaog ro isaeang ka naga hangus nga eaeaki, si Arnaldo. Isaea imaw ka presidente it bangko ag bag-o eamang nabaeo nga owa it onga. Guin uli si Donya Mameng pag-taliwan it tatlong adlaw.
Samtang nagapadayon si Bering sa anang pagtinda una sa bangketa, may pumundo nga saeakyan. Nanaog si Donya Mameng, kaibahan ko anang sueogo-on. Guin kangay si Bering idto sa baeay nanday Donya Mameng. Guin sueang–sueang imaw ni Arnaldo. Guin pangayo ni Arnaldo ro alima ni Bering nga mangin asawa. Naaeang-aeangan si Bering tongod pobre eamang sanda ag may ana pang onga nga alila-on. Maangan-angan, gumuwa si Eddie, onga ni Bering nga postura ro anang pamistihon. Guin sueang gali imaw ni Arnaldo sa andang baeay ag guin bakean it mga gamit para sorpresahon si Bering. Nagtoeo rong eoha ni Bering sa kalipay. Raya baea rong sabat sa anang pangamuyo perme? Tama, rong sabat hay guina paagi sa pagsinamit kimo kon baea angay ka sa anang regalo para kimo. Guin paagi kay Donya Mameng ro pagsamit ag nakapasar si Bering.
Ro guin buhat nana nga pagbulig kay Donya Maming hay isaeang ka himpit nga paghigugma sa isig ka tawo nga owa it pag aeang-aeang. Raya ro kadena it paghigugma, mabakod, makusog nga kadena tongod napundar sa tama nga pagtuo sa Diyos, pagsunod sa anang ka-suguan nga "mahaeon ro imong isig ka tawo," buligan ro mga naga kinahangean it bulig nga owa it kabayaran. Ko olihi, ro Diyos eon mismo nga nagtao kana it kabayaran katumbas ko anang kinahangean. /mp
Sa maeapit nga kanto, may isaeang ka magueang nga babaye rong hakita ni Bering nga natumba ag tumama ro oeo sa bato. Dali-dali nana nga guin sapupo ro magueang. Agod masalbar, guindaea nana sa hospital. Tongod owa it pa-ngalibutan, guin bantayan anay nana hasta nga naka bugtaw. Sa kaeo-oy it Diyos, nasayran ko magueang kon ano ro natabu kana. Guin patawagan kay Bering ro anang onga sa address nga guin tao kana it magueang.
Owa magbuhay, pu-mundo ro isaeang ka maeahaeon nga saeakyan ag nanaog ro isaeang ka naga hangus nga eaeaki, si Arnaldo. Isaea imaw ka presidente it bangko ag bag-o eamang nabaeo nga owa it onga. Guin uli si Donya Mameng pag-taliwan it tatlong adlaw.
Samtang nagapadayon si Bering sa anang pagtinda una sa bangketa, may pumundo nga saeakyan. Nanaog si Donya Mameng, kaibahan ko anang sueogo-on. Guin kangay si Bering idto sa baeay nanday Donya Mameng. Guin sueang–sueang imaw ni Arnaldo. Guin pangayo ni Arnaldo ro alima ni Bering nga mangin asawa. Naaeang-aeangan si Bering tongod pobre eamang sanda ag may ana pang onga nga alila-on. Maangan-angan, gumuwa si Eddie, onga ni Bering nga postura ro anang pamistihon. Guin sueang gali imaw ni Arnaldo sa andang baeay ag guin bakean it mga gamit para sorpresahon si Bering. Nagtoeo rong eoha ni Bering sa kalipay. Raya baea rong sabat sa anang pangamuyo perme? Tama, rong sabat hay guina paagi sa pagsinamit kimo kon baea angay ka sa anang regalo para kimo. Guin paagi kay Donya Mameng ro pagsamit ag nakapasar si Bering.
Ro guin buhat nana nga pagbulig kay Donya Maming hay isaeang ka himpit nga paghigugma sa isig ka tawo nga owa it pag aeang-aeang. Raya ro kadena it paghigugma, mabakod, makusog nga kadena tongod napundar sa tama nga pagtuo sa Diyos, pagsunod sa anang ka-suguan nga "mahaeon ro imong isig ka tawo," buligan ro mga naga kinahangean it bulig nga owa it kabayaran. Ko olihi, ro Diyos eon mismo nga nagtao kana it kabayaran katumbas ko anang kinahangean. /mp
No comments:
Post a Comment