Power Rate Sa Buean It Enero, Nagnaba It Sobra Sa Piso

Ginapahisayod it Aklan Electric Cooperative, Inc. (AKELCO) nga ro power rate sa buean it Enero kun ikumparar sa power rate it Disyembre, 2007 hay nagnaba it sobra sa piso sa tanan nga klase it konsumidor.
Sa residential ag Commercial Consumers, ro pagnaba hay nag eab-ot it P1.33, samtang sa Public Building ag Industrial Consumers, ro pagnaba hay nag-eab-ot man sa P1.34, ag P1.35 para sa Street Lights.

DISYEMBRE ENERO GIN-NABA

RESIDENTIAL : P7.67 / per kwh P6.34 / per kwh P1.33
COMMERCIAL : P6.44 / per kwh P5.11 / per kwh P1.33
INDUSTRIAL : P6.31 / per kwh P4.97 / per kwh P1.34
PUBLIC BUILDING : P6.77 / per kwh P5.43 / per kwh P1.34
STREET LIGHTS : P11.35 / per kwh P10.00 / per kwh P1.35

Kun madumduman, nagpaguwa it Temporary Restraining Order ro Regional Trial Court Branch 2 kun siin ginpapondo ro pag-implementar it ERC approved EPPA ku Hunyo–Agosto 2007. Dugang pa, ku tyempo it Hulyo–Setyembre 2007, owa naka–generate ro Global Business Power Corporation (GBPC) Power Plant sa New Washington bangud sa andang Technical problem ugaling raya tanan hay natapoe sa sinueoktan it GBPC nga obligasyon it AKELCO sa idaeom it EPPA nga nahaeakot man sa power bill it atong mga miembro–konsumidor sa mga natungdan nga mga binuean.
Sa pagpatikasog it atong mga Board of Directors ag pagdumaeahan it AKELCO, napa-tigayon nga mag-issue it credit memo ro GBPC sa AKELCO angot sa nasambit nga cir-cumstancia. Bangud kara, gina–implementar it AKELCO ro one-time refund makarong buean.
Para sa dugang nga impormasyon ag klaripikasyon, makipag-angot eamang sa taeatapan it AKELCO nga maeapit kinyo o tumawag sa AKELCO Hotline 144. Abu guid nga saeamat.

(Sgd.) MARIA LUVIGRENA G. JULIANO
Public Information Officer

(Sgd.) WILFREDO A. ORTIZ
OIC – General Manager