Ginapahisayod it Aklan Electric Cooperative, Inc. (AKELCO) sa tanan nga miembro-kunsumidor nga may pagahimuon nga Public Hearing sa Nobyembre 6, 2008.
Raya hay may kaangtanan sa aplikasyon it AKELCO sa Energy Regulatory Commission (ERC) nga may ERC Case No. 2008-082MC nga may titulong "IN THE MATTER OF THE APPLICATION FOR APPROVAL OF AN EMERGENCY CAPITAL PROJECTS-RE: REHABILITATION AND REPAIR OF DAMAGED DISTRIBUTION LINES AND REPAIR OF ANDAGAO OFFICE BUILDING AND REPLACEMENT OF DAMAGED COMPUTER EQUIPMENT DUE TO TYPHOON "FRANK" WITH PRAYER FOR PROVISIONAL AUTHORITY".
Ro nasambit nga proyekto hay nagatuyo nga maaprubahan eagi para sa rehabilitasyon it mga nasamad nga linya it kuryente kamana man ku pag-pakay-ad ku opisina it AKELCO Andagao Branch office ag pagbaylo ku mga nasamad man nga computer equipments tuga ku bagyong "Frank" ku Hunyo 21, 2008.
Kun madumduman, umabot sa P76 milyones ro danyos nga naagom it AKELCO matapos nga magresulta it kasamaran sa mga propriedad it koope-ratiba. Ngani, kinahang-ean nga maaprubahan ro rayang aplikasyon sa ERC it AKELCO para sa padayon nga pagtao it naga-kaigong serbisyo it AKELCO sa probin-sya it Akean ag kaingod nga banwa sa probinsya it Antique.
Sa mga interesadong natungdan, gina-imbitahan it Akelco Management nga mag-adto ag mag-partisipar sa nasambit nga Public Hearing sa Nobyembre 6, 2008, Hwebes nga adlaw, alas-dos it hapon (2:00 PM) sa ERC Hearing Room, 15th Floor, Pacific Center Building, San Miguel Avenue, Pasig City.
Rayang pahisayod hay naghalin kay Maria Luvigrena G. Juliano, Public Information Officer ag Chito R. Peralta, General Manager. /MP
No comments:
Post a Comment