Ni Tita Linda Belayro
Sinderbella
Sa isaeang ka maeayo nga kaharian, may isaeang ka onga. Nailo sa anang ina. Parabil mabugtu-an it ginhawa, nagbilin ro anang ina nga mag-buot rondayang onga, magtiis, ag indi magkalipat sa Diyos.
"Kon ikaw hidlawon kakon, magtangda ka sa eangit. Makita mo ro mga bituon. Indi ka nakon pagpabay-an. Bantayan ta ikaw sa imong pagtoeog", bilin ko anang Nanay.
Makataliwan ro pilang buean, nag-asawa ro anang ama it babayeng may onga nga parehas man ro edad kay Sinderbella. Kada oli ko anang ama halin sa trabaho, mas hauna pa nga kumustahon ro mag-ina ko kay Sinderbella. Kon owa eon ro anang ama, guina obra nanda nga sueogu-on si Sinderbella. Imaw ro naga limpyo, naga eaba ag naga eaha ko andang pagkaon. Haeos owa eon it oras ro pobreng daeaga para sa pagpahuway.
Isaeang adlaw nga Sabado, nag-abot ro ama ni Sinderbella. May regalo imaw nga eam-bong sa mag-ina. Mga sanga mat-a it kahoy para pang-gatong ro guin-uli para kay Sinderbella. Sa kasubo, nag-adto si Sinderbella sa eobnganan ko anang ina. Pag-abot nana, anang guin tagdok ratong sanga it kahoy sa kilid it eobnganan parabil imaw umuli. Pagkata-liwan ko sang Dominggo, nagtubo ratong sanga ag guin estaran it salampati ro mga sanga. Nagbisita it uman si Sinderbella sa eobnganan. Hakita nana ro kahoy nga nagtubo nga may pispis nga naga hapon.
"Pangayu-on mo ro imong kinahangean", hambae it salampati. Halin kato, owa eon naga kasubo ag nagugutuman si Sinderbella. Paagi sa kahoy, nabubo-oe ro anang gusto.
Isaeang ka pag-pabando sa palasyo ro sueod it tanan nga pamusod it kaharian. Magahiwat it pabayle sa palasyo. Imbitado ro tanan nga kadaeagahan bangod nga magapili it mangin asawa ro prinsipe. Bu-ot guid nga maka adto si Sinderbella, ogaling guin sabwag ko anang madrasta ro sangka sako nga baeatong sa kabatuhan. Guin pa poeot it batu-bato ag ibalik sa kostal kay Sinderbella para maka-adto imaw sa binayle.
Sa bulig ko salam-pati, guin kangay nana ro tanan nga pispis ag guin patuka ro mga bosoe ag ibalik sa sako. Nasipot ro mga bosoe ogaling owa man pagsugti si Sinderbella bangud owa imaw it sadya-an nga eambong. Tongod kara, nag-adto imaw sa eobnganan ko anang ina ag nangayo sa salampati. Nagtugpa ro bueawan nga beste para kana ag bueawan man nga sapatos. Nag ilis imaw ag mag adto rito.
Sa binayle, hangawa ro tanan kon sin-o ro ka gwapahon nga daeaga ro guina sina-utan it prinsipe sa bilog nga gabi-i. Pag-abot it alas doce, nag-eaong si Sinderbella nga mauli eon. Guinhatud imaw ko prinsipe, ogaling pag-abot sa may baeay it salampati, naduea ro daeaga. Guin pukan pa it prinsipe ro baeay-baeay ogaling owa hakita ro daeaga. Natabo rondaya sa sueod it tatlong gabi-i. Kat sa olihing gabi-i it pabayle, guin butangan ko prinsipe it mga pilit ro guina agyan ko daeaga. Pag-abot ko tungang gabi-i kat naga uli eon si Sinderbella, nagpilit ro anang sapatos, ngani hapilitan imaw nga aywan agod maka-uli it dali-dali. Haaywan ro anang sapatos nga bueawan.
Pagka-aga, guin libot ko prinsipe ro tanan nga pamaeay agod usoyon ro tag-iya ko rondayang sapatos. Sa baeay nanday Sinderbella imaw naka-adto. Guin sukat ko onga it madrasta ratong sapatos. Sobra ro anang tudlo it siki, ngani guin utod nana agod mag-igo. Nagdinugo ro anang siki ngani owa nakatakod sa kasakit ro daeaga ag guinbalik ro sapatos. Hakita ko prinsipe si Sinderbella nga naga linimpyo sa kusina.
"Amon ron nga sueogo-on. Owa man ron naka-adto sa binayle", pagpamalibad ko daeagang maldita. Ogaling guin pasamitan kay Sinderbella ro sapatos. Tamang-tama guid ro sukat sa daeaga. Nagbaylo man ro anang dagway ag pati ro eambong nga gisi ag bulingon hay nangin bueawan.
"Ikaw guid ratong babaye nga akon nga kapareha ko gabi-i ngaron", sambit nga may kalipay ko prinsipe. Insigida, guindaea sa palasyo si Sinderbella. Sa adlaw ko andang kasae ko prinsipe, bu-ot magbaeos ro malditang daeaga ag ro anang ina paagi sa pagbulag kay Sinderbella, ogaling hatunugan eagi sanda ko salampati. Guintuka ro andang mata ag sanda ro nabulag. Sa kaeo-oy ni Prinsesa Sinderbella, guin pauli sanda ag guin taw-an it kwarta agod maipabu-eong ag magamit nanda. Nangin malipayon si Sinderbella ag ro anang asawang Prinsipe. /MP
"Kon ikaw hidlawon kakon, magtangda ka sa eangit. Makita mo ro mga bituon. Indi ka nakon pagpabay-an. Bantayan ta ikaw sa imong pagtoeog", bilin ko anang Nanay.
Makataliwan ro pilang buean, nag-asawa ro anang ama it babayeng may onga nga parehas man ro edad kay Sinderbella. Kada oli ko anang ama halin sa trabaho, mas hauna pa nga kumustahon ro mag-ina ko kay Sinderbella. Kon owa eon ro anang ama, guina obra nanda nga sueogu-on si Sinderbella. Imaw ro naga limpyo, naga eaba ag naga eaha ko andang pagkaon. Haeos owa eon it oras ro pobreng daeaga para sa pagpahuway.
Isaeang adlaw nga Sabado, nag-abot ro ama ni Sinderbella. May regalo imaw nga eam-bong sa mag-ina. Mga sanga mat-a it kahoy para pang-gatong ro guin-uli para kay Sinderbella. Sa kasubo, nag-adto si Sinderbella sa eobnganan ko anang ina. Pag-abot nana, anang guin tagdok ratong sanga it kahoy sa kilid it eobnganan parabil imaw umuli. Pagkata-liwan ko sang Dominggo, nagtubo ratong sanga ag guin estaran it salampati ro mga sanga. Nagbisita it uman si Sinderbella sa eobnganan. Hakita nana ro kahoy nga nagtubo nga may pispis nga naga hapon.
"Pangayu-on mo ro imong kinahangean", hambae it salampati. Halin kato, owa eon naga kasubo ag nagugutuman si Sinderbella. Paagi sa kahoy, nabubo-oe ro anang gusto.
Isaeang ka pag-pabando sa palasyo ro sueod it tanan nga pamusod it kaharian. Magahiwat it pabayle sa palasyo. Imbitado ro tanan nga kadaeagahan bangod nga magapili it mangin asawa ro prinsipe. Bu-ot guid nga maka adto si Sinderbella, ogaling guin sabwag ko anang madrasta ro sangka sako nga baeatong sa kabatuhan. Guin pa poeot it batu-bato ag ibalik sa kostal kay Sinderbella para maka-adto imaw sa binayle.
Sa bulig ko salam-pati, guin kangay nana ro tanan nga pispis ag guin patuka ro mga bosoe ag ibalik sa sako. Nasipot ro mga bosoe ogaling owa man pagsugti si Sinderbella bangud owa imaw it sadya-an nga eambong. Tongod kara, nag-adto imaw sa eobnganan ko anang ina ag nangayo sa salampati. Nagtugpa ro bueawan nga beste para kana ag bueawan man nga sapatos. Nag ilis imaw ag mag adto rito.
Sa binayle, hangawa ro tanan kon sin-o ro ka gwapahon nga daeaga ro guina sina-utan it prinsipe sa bilog nga gabi-i. Pag-abot it alas doce, nag-eaong si Sinderbella nga mauli eon. Guinhatud imaw ko prinsipe, ogaling pag-abot sa may baeay it salampati, naduea ro daeaga. Guin pukan pa it prinsipe ro baeay-baeay ogaling owa hakita ro daeaga. Natabo rondaya sa sueod it tatlong gabi-i. Kat sa olihing gabi-i it pabayle, guin butangan ko prinsipe it mga pilit ro guina agyan ko daeaga. Pag-abot ko tungang gabi-i kat naga uli eon si Sinderbella, nagpilit ro anang sapatos, ngani hapilitan imaw nga aywan agod maka-uli it dali-dali. Haaywan ro anang sapatos nga bueawan.
Pagka-aga, guin libot ko prinsipe ro tanan nga pamaeay agod usoyon ro tag-iya ko rondayang sapatos. Sa baeay nanday Sinderbella imaw naka-adto. Guin sukat ko onga it madrasta ratong sapatos. Sobra ro anang tudlo it siki, ngani guin utod nana agod mag-igo. Nagdinugo ro anang siki ngani owa nakatakod sa kasakit ro daeaga ag guinbalik ro sapatos. Hakita ko prinsipe si Sinderbella nga naga linimpyo sa kusina.
"Amon ron nga sueogo-on. Owa man ron naka-adto sa binayle", pagpamalibad ko daeagang maldita. Ogaling guin pasamitan kay Sinderbella ro sapatos. Tamang-tama guid ro sukat sa daeaga. Nagbaylo man ro anang dagway ag pati ro eambong nga gisi ag bulingon hay nangin bueawan.
"Ikaw guid ratong babaye nga akon nga kapareha ko gabi-i ngaron", sambit nga may kalipay ko prinsipe. Insigida, guindaea sa palasyo si Sinderbella. Sa adlaw ko andang kasae ko prinsipe, bu-ot magbaeos ro malditang daeaga ag ro anang ina paagi sa pagbulag kay Sinderbella, ogaling hatunugan eagi sanda ko salampati. Guintuka ro andang mata ag sanda ro nabulag. Sa kaeo-oy ni Prinsesa Sinderbella, guin pauli sanda ag guin taw-an it kwarta agod maipabu-eong ag magamit nanda. Nangin malipayon si Sinderbella ag ro anang asawang Prinsipe. /MP
No comments:
Post a Comment