Tita Linda Belayro
Bunga It Tamang Pagsalig
May isaeang ka bag nga nahueog sa saeakyan. Naga agi guid si Berting nga naga usoy it trabaho. Aeang-aeang ro oras busa, owa it nakapan-o. Guin poeot ni Berting ro bag ag guin butang sa anang abaga. Nag-usoy imaw it pamahawan. Guin huyap nana ro anang kwarta, tamang-tama guid lang pama-sahe pa uli. Pag-abot sa baeay, guin buksan ro bag ag tumambad kana ro papelon nga kwarta ag mga alahas.
Alinon nana rayang kwarta? Kon isugid nana sa pulis, basi indi man maka-abot sa tag-ana. Nag-usoy imaw it address ko tag ana. May una, ogaling indi imaw kaantiguhan mag-adto. Guin tago anay nana ro bag ag nag panaw imaw para mag-isip it paagi. Sige ro anang pagpi-nanaw hasta nakaabot imaw sa isaeang ka kapilya. Nagsueod imaw ag nag-eohod.
Sa anang prenteng poeongku-an, may hakita imaw nga babayeng nagatangis ag guina koe-koe ro naga katoeog nga onga. Guin su-uran nana ro ina ag guin pangutana kon ano ro anang problema. Ham-an naga tangis ka? Hasayran nana nga asawa imaw ko habaril nga hold-upper nga naghold-up it bangko. Habaril sanda sa andang pag paeagiw, daea ro bag nga may kwarta ag alahas.
Guin sampit nana ro babaye nga mag-adto sa anda agod boe-on ro bag. Dayon nag adto sanda sa bangko nga guin hold-up. Pag abot nanda, guin usoy ro manager ag guin ta-o ro bag. Nalipay it duro ro manager bangod naibalik ro andang kwarta ag alahas nga owa it buhin. Pagkatapos, guin pakilaea nana ro babaye, nga makaron hay baeo eon ag owa it maistaran. Sa kaeo-oy it manager, guin paestar imaw sa anang paupahang baeay ag si Berting hay guin baton bilang empleyado. Guin buligan pa ro anang daywang ka igmanghod nga mapato-on.
Tumaliwan ro mga dinag-on. May isaeang ka babaye kaibahan ro dalagitang onga nga nagdeposito sa bangko. Idto guid imaw nag-deposito kay Berting. Nagpakilaea imaw nga imaw ro asawa ko hold-upper ag naka pangasawa it isaeang ka mang-garanon nga taga ibang nasyon. Guin bilang nga onga ro anang onga nga babaye ag makaron maga bakasyon eon man sanda sa lugar ko anang asawa. Owa ngani mabuhayi, umabot ro foreigner ag guin pakilaea sandang daywa. Nag promisa ro babaye nga ona imaw maga deposito ko anang kwarta.
Sa pagtalikod ko rayang babaye, hadum-duman nana ro adlaw nga guin butang imaw sa mabahoe nga pagsubok. Tagu-on baea ro kwarta ag gamiton sa anang kaugalingon? Guin ta-o nana sa Diyos ro desisyon. Guin sunod nana ro tamang paagi ag imaw hay guin buligan nga may pag-pabugae sa anang kauga-lingon. Limpyo ro anang konsensya ag nakabulig pa imaw sa iba. /MP
Alinon nana rayang kwarta? Kon isugid nana sa pulis, basi indi man maka-abot sa tag-ana. Nag-usoy imaw it address ko tag ana. May una, ogaling indi imaw kaantiguhan mag-adto. Guin tago anay nana ro bag ag nag panaw imaw para mag-isip it paagi. Sige ro anang pagpi-nanaw hasta nakaabot imaw sa isaeang ka kapilya. Nagsueod imaw ag nag-eohod.
Sa anang prenteng poeongku-an, may hakita imaw nga babayeng nagatangis ag guina koe-koe ro naga katoeog nga onga. Guin su-uran nana ro ina ag guin pangutana kon ano ro anang problema. Ham-an naga tangis ka? Hasayran nana nga asawa imaw ko habaril nga hold-upper nga naghold-up it bangko. Habaril sanda sa andang pag paeagiw, daea ro bag nga may kwarta ag alahas.
Guin sampit nana ro babaye nga mag-adto sa anda agod boe-on ro bag. Dayon nag adto sanda sa bangko nga guin hold-up. Pag abot nanda, guin usoy ro manager ag guin ta-o ro bag. Nalipay it duro ro manager bangod naibalik ro andang kwarta ag alahas nga owa it buhin. Pagkatapos, guin pakilaea nana ro babaye, nga makaron hay baeo eon ag owa it maistaran. Sa kaeo-oy it manager, guin paestar imaw sa anang paupahang baeay ag si Berting hay guin baton bilang empleyado. Guin buligan pa ro anang daywang ka igmanghod nga mapato-on.
Tumaliwan ro mga dinag-on. May isaeang ka babaye kaibahan ro dalagitang onga nga nagdeposito sa bangko. Idto guid imaw nag-deposito kay Berting. Nagpakilaea imaw nga imaw ro asawa ko hold-upper ag naka pangasawa it isaeang ka mang-garanon nga taga ibang nasyon. Guin bilang nga onga ro anang onga nga babaye ag makaron maga bakasyon eon man sanda sa lugar ko anang asawa. Owa ngani mabuhayi, umabot ro foreigner ag guin pakilaea sandang daywa. Nag promisa ro babaye nga ona imaw maga deposito ko anang kwarta.
Sa pagtalikod ko rayang babaye, hadum-duman nana ro adlaw nga guin butang imaw sa mabahoe nga pagsubok. Tagu-on baea ro kwarta ag gamiton sa anang kaugalingon? Guin ta-o nana sa Diyos ro desisyon. Guin sunod nana ro tamang paagi ag imaw hay guin buligan nga may pag-pabugae sa anang kauga-lingon. Limpyo ro anang konsensya ag nakabulig pa imaw sa iba. /MP
No comments:
Post a Comment