Ni Tita Linda Belayro
Ro Guinhalinan It Pilipinas
Ro Pilipinas hay guinabilog it iba-ibang mga isla ag rehiyon. Kada grupo hay may kina-iyang pamatasan. Ro mga Ilokano hay kilaea sa pagiging mahugod, mapag-on ag makinot. Kilaea man sa kahugod ro mga Tagalog. Ro mga Bisaya hay kilaea sa pagiging masinadyahon ag mahigugma-on. Ro mga Muslim sa Mindanao hay kilaea man sa pagka mapinangadyi-on ag relihiyoso.
Kon siin naghalin ro islang Pilipinas ag kon ham-an it boeo-eo-eag kara ro anang mga isla, hay may estorya kara kita. Ag hayra.
Kato anay nga tyempo, may isaeang ka datu. May tatlong ka onga imaw nga prinsesa. Ka’t pitong dag-on paeang ro edad ko kamanghuran, namatay ro andang inang, ro reyna. Pagkataliwan ko pilang buean, nag-asawa it uman ro datu. Ko una, naila ro anang mga onga tongod mabuot ro ginapakita ko andang madrasta. Ogaling ko olihi eon, eain eot-a ro guina pakita ko andang madrasta. Ka’t indi eon matiis nanda ro masakit ag kahueoy-anan, ro tatlong ka prinsesa hay nagplano nga magea-as.
Sa bulig ko masaligan nga mga guardiya, natuman ro andang plano, ag nakalibre ro tatlo. Sumakay sanda sa isaeang ka kumpit ag guina iwagan eamang ko kahayag it buean ag bituon. Sa tungang gabii, mahipos ro tanan sa andang pag eayag. Tunog eamang it bugsay ro mabatian.
Ogaling owa raya naka-eampas sa mapintas nga madrasta. Ro pagtakas ko tatlo hay naga kahueogan eamang it pagka paslaw ko anang handum nga patyon ro tatlong ka prinsesa. Nahapaslawan man ro handum nga ro madrasta ro maga dumaea ko kaharian.
Gamit ko anang gamhanan nga baston, guin kumpas ko datu ra ag nagdueom ro palibot. Nag pangilat it mataeum, nag-eagko ro mga humbak. Hinadlukan ro tatlong ka prinsesa, kapin pa nga bumuhos ro mabaskog nga uean ag bumaskog pa gid ro hangin. Nagbueag ro tatlo. Inapok sanda ag owa masayri kon siin inapok. Ro panganay hay inapok idto sa Norte. Ro pangaywa hay nagpabilin una sa baroto nga nagkueob ag ro kamanghoran hay idto sa Sur.
Pagkaaga, hakibot ro tanan sa mga bag-ong isla pagkatapos ko sang gabii nga unos. Guina patihan nga ro panganay imaw ro nangin isla it Luzon, ro pangaywa imw ro isla it Visayas ag ro kamanghuran, ro isla it Mindanao. /MP
Kon siin naghalin ro islang Pilipinas ag kon ham-an it boeo-eo-eag kara ro anang mga isla, hay may estorya kara kita. Ag hayra.
Kato anay nga tyempo, may isaeang ka datu. May tatlong ka onga imaw nga prinsesa. Ka’t pitong dag-on paeang ro edad ko kamanghuran, namatay ro andang inang, ro reyna. Pagkataliwan ko pilang buean, nag-asawa it uman ro datu. Ko una, naila ro anang mga onga tongod mabuot ro ginapakita ko andang madrasta. Ogaling ko olihi eon, eain eot-a ro guina pakita ko andang madrasta. Ka’t indi eon matiis nanda ro masakit ag kahueoy-anan, ro tatlong ka prinsesa hay nagplano nga magea-as.
Sa bulig ko masaligan nga mga guardiya, natuman ro andang plano, ag nakalibre ro tatlo. Sumakay sanda sa isaeang ka kumpit ag guina iwagan eamang ko kahayag it buean ag bituon. Sa tungang gabii, mahipos ro tanan sa andang pag eayag. Tunog eamang it bugsay ro mabatian.
Ogaling owa raya naka-eampas sa mapintas nga madrasta. Ro pagtakas ko tatlo hay naga kahueogan eamang it pagka paslaw ko anang handum nga patyon ro tatlong ka prinsesa. Nahapaslawan man ro handum nga ro madrasta ro maga dumaea ko kaharian.
Gamit ko anang gamhanan nga baston, guin kumpas ko datu ra ag nagdueom ro palibot. Nag pangilat it mataeum, nag-eagko ro mga humbak. Hinadlukan ro tatlong ka prinsesa, kapin pa nga bumuhos ro mabaskog nga uean ag bumaskog pa gid ro hangin. Nagbueag ro tatlo. Inapok sanda ag owa masayri kon siin inapok. Ro panganay hay inapok idto sa Norte. Ro pangaywa hay nagpabilin una sa baroto nga nagkueob ag ro kamanghoran hay idto sa Sur.
Pagkaaga, hakibot ro tanan sa mga bag-ong isla pagkatapos ko sang gabii nga unos. Guina patihan nga ro panganay imaw ro nangin isla it Luzon, ro pangaywa imw ro isla it Visayas ag ro kamanghuran, ro isla it Mindanao. /MP
No comments:
Post a Comment