Ni Tita Linda Belayro
Si Psyche Ag Kupido
Sa bukid it Olympus nga guina estaran it mga Diyos ag Diyosa, guina dayaw ag guina samba sa anang templo si Venus tongod sa anang ka gwapa.
Ogaling iya sa eogta, may isaeang ka mortal nga guina komparar man kay Venus. Haeos tanan ro mga kabinata-an hay guina dayaw ro anang ka gwapa. Bangud kara, nagta-o it pagka hikaw ag kaakig kay Venus. Busa, guin sugo ni Venus ro anang onga nga si Kupido, agod ibaeos imaw. Paagi sa manipulasyon ni Venus, napaadto nana ro mga guinikanan ni Psyche sa templo agod mag-pangayo sa Orakulo kon ano ro swerte ni Psyche ag kon sin-o ro anang maging asawa. Suno sa Orakulo, imaw ra hay maka asawa it isaeang ka halimaw, ogaling mang-garanon ag indi nana makita ro anang asawa kundi sa boses eamang sanda maga iliba.
Nagpasugot si Psyche ag guin daea imaw sa isaeang ka kastilyo sa ibabaw it bukid. Isaeang ka maeahaeon nga ilistaran ag guin pasaylo imaw it isaeang ka limog nga tag-ana ko baeay. Sa sueod it pilang buean nga nag estar si Psyche hay guina hueat nana ro anang asawa kon gabi-i nga indi nana makita ro anang uyahon. Ogaling sa soe-soe ko anang mga magueang, nagpahaum imaw it lampara ag kutsilyo. Ko gabi-i ngaron, ka’t naga katueog ro anang asawa, guin sindihan nana ro lampara ag hakita nana ro oyahon ko isaeang ka binata nga kulot ro anang buhok ag may pakpak sa likod. Agud mahimutaran it mayad, anang guin eapit ro lampara, ogaling natueo-an it eana ro abaga it binata. Habugtaw imaw ag naakig sa asawa. Guin kabig nga owa imaw it pagsalig sa anang paghigugma. Dahilan kara, nagpanaw ro asawa ag eompad paguwa.
Nagkasubo ro daeaga. Guin inusoy nana sa kabukiran ag kagueangan ro anang asawa. Sa bulig ni Ceres, guin paadto imaw kay Venus agod mangayo it patawad. Guin akigan imaw ni Venus ag guin taw-an it mga oeobrahon parabil patawaron. Sa bulig ko anang asawa, guin buligan nana si Psyche nga owa makasayod, bangod naila eot-a kana si Kupido.
Samtang, sa katapusan nga sugo ni Venus, guin padaea kana ro kahon kay Persephone, reyna it mga kabueakan. Tongod sa anang pagiging kuryoso, guin buksan nana ro kahon nga indi guid mahimo nga mabuksan. Owa it sueod ro kahon kundi ro kahumot nga maka-patoeog. Natumba si Psyche sa katoeogon.
Sa pihak nga bahin, oeat eon ro nina ni Kupido ag hakita nana ro natabo kay Psyche. Guintipon nana tanan ro pampatoeog nga nag olipon kay Psyche ag guin sueod sa kahon ag ipilak sa dagat. Nag eopad dayon si Kupido idto sa anang Lolo nga si Zeus, hari it mga Kadiyosan.
Hapasugot man ni Zeus si Venus nga patawaron si Psyche. Pagmukeat ni Psyche, guin painom imaw it Ambrosia, aeak it mga Diyosa agod indi eon mangin masubo ag malipatan ro pagiging mortal. Guin kasae ni Zeus si Kupido ag si Psyche.
Nangin immortal eon si Psyche ag kaibahan nana ro tanan nga mga Diyos ag Diyosa sa bukid it Olympus. /MP
Ogaling iya sa eogta, may isaeang ka mortal nga guina komparar man kay Venus. Haeos tanan ro mga kabinata-an hay guina dayaw ro anang ka gwapa. Bangud kara, nagta-o it pagka hikaw ag kaakig kay Venus. Busa, guin sugo ni Venus ro anang onga nga si Kupido, agod ibaeos imaw. Paagi sa manipulasyon ni Venus, napaadto nana ro mga guinikanan ni Psyche sa templo agod mag-pangayo sa Orakulo kon ano ro swerte ni Psyche ag kon sin-o ro anang maging asawa. Suno sa Orakulo, imaw ra hay maka asawa it isaeang ka halimaw, ogaling mang-garanon ag indi nana makita ro anang asawa kundi sa boses eamang sanda maga iliba.
Nagpasugot si Psyche ag guin daea imaw sa isaeang ka kastilyo sa ibabaw it bukid. Isaeang ka maeahaeon nga ilistaran ag guin pasaylo imaw it isaeang ka limog nga tag-ana ko baeay. Sa sueod it pilang buean nga nag estar si Psyche hay guina hueat nana ro anang asawa kon gabi-i nga indi nana makita ro anang uyahon. Ogaling sa soe-soe ko anang mga magueang, nagpahaum imaw it lampara ag kutsilyo. Ko gabi-i ngaron, ka’t naga katueog ro anang asawa, guin sindihan nana ro lampara ag hakita nana ro oyahon ko isaeang ka binata nga kulot ro anang buhok ag may pakpak sa likod. Agud mahimutaran it mayad, anang guin eapit ro lampara, ogaling natueo-an it eana ro abaga it binata. Habugtaw imaw ag naakig sa asawa. Guin kabig nga owa imaw it pagsalig sa anang paghigugma. Dahilan kara, nagpanaw ro asawa ag eompad paguwa.
Nagkasubo ro daeaga. Guin inusoy nana sa kabukiran ag kagueangan ro anang asawa. Sa bulig ni Ceres, guin paadto imaw kay Venus agod mangayo it patawad. Guin akigan imaw ni Venus ag guin taw-an it mga oeobrahon parabil patawaron. Sa bulig ko anang asawa, guin buligan nana si Psyche nga owa makasayod, bangod naila eot-a kana si Kupido.
Samtang, sa katapusan nga sugo ni Venus, guin padaea kana ro kahon kay Persephone, reyna it mga kabueakan. Tongod sa anang pagiging kuryoso, guin buksan nana ro kahon nga indi guid mahimo nga mabuksan. Owa it sueod ro kahon kundi ro kahumot nga maka-patoeog. Natumba si Psyche sa katoeogon.
Sa pihak nga bahin, oeat eon ro nina ni Kupido ag hakita nana ro natabo kay Psyche. Guintipon nana tanan ro pampatoeog nga nag olipon kay Psyche ag guin sueod sa kahon ag ipilak sa dagat. Nag eopad dayon si Kupido idto sa anang Lolo nga si Zeus, hari it mga Kadiyosan.
Hapasugot man ni Zeus si Venus nga patawaron si Psyche. Pagmukeat ni Psyche, guin painom imaw it Ambrosia, aeak it mga Diyosa agod indi eon mangin masubo ag malipatan ro pagiging mortal. Guin kasae ni Zeus si Kupido ag si Psyche.
Nangin immortal eon si Psyche ag kaibahan nana ro tanan nga mga Diyos ag Diyosa sa bukid it Olympus. /MP
No comments:
Post a Comment