Sugilanon Ni Tita Linda
Onga it Birhen
Sa isaeang ka maeayo nga kaharian, may naga estar nga mag asawa sa tunga it kagueangan. May andang solong babayeng onga. Bangud sa kapobrehon, kueang ro pagpakaon sa andang onga. Perming guina-gutom rayang onga. Nagaminasakit ngani busa naghambae ro asawang eaeaki; " Hay kon may una konta nga magaampon ko atong onga."
Maangan angan, may nagpakita nga isaeang ka babayeng nagabeste it azul ag may koronang mga bitoon. Naghambae imaw: "Habatian ko ro imo nga kagustuhan. Kung bu-ot ninyo, akon lang nga ampunon ro inyong onga. Ako si Birhen Maria, ag daehon ko idto sa eangit ro inyong onga." Nagpasugot ro mag-asawa. Guindaea ro onga idto sa eangit ag idto imaw kaibahan ko mga angheles naga hinampang. Mayad-ayad ro anang kahimtangan.
Isaeang adlaw, guintawag ko Inang Birhen rondayang onga. "Mapanaw ako sa maeayo. Aywan ko kimo rayang 12 ka yabe. Ro 13 ka sueod hay pwede mo abrehan ogaling ro ika-13 nga sueod nga may maisot nga yabe hay ayaw guid pag buksi. Kon imong buksan, may kapaha-makan kimo nga matabo. Guindawat ko daeaga ro 13 ka yabe. Dayon nga nagpanaw ro Inang Birhen. Kada adlaw, guinabuksan ko daeaga ro 12 ka sueod paagi sa 12 ka yabe. Hakita nana nga may sambilog nga apostoles nga naga pungko sa tunga it kahayag. Naubos eon nana it abre ro 12 ka kwarto. Ro ika 13 hay bu-ot nana nga linglingon ogaling guin bawaean imaw ko mga kahampang nga anghel. Basi kon mapahamak kuno imaw ag kabilin-bilinan ko Birhen nga indi guid pagbuksan ro pwertahan.
Ka’t nagbaealik sa andang mga sueod ro mga anghel, guin buksan nana ag linglingon ro pwertahan. Golpe nga nag uean it kahayag ro sueod ag ro kahayag hay nagdukot sa anang alima. Golpe nanang guinsara ro pwertahan ag naga kurog nga nagdaeagan sa gripo agod hugasan ro anang alima ogaling indi maduea ro matsa bueawan nga kahayag. Guin tago nana ro anang alima sa mga anghel. Hadumduman nana nga idto sa sueod hay naga pungko ro Sagrado nga Trinidad sa tunga it owa it tupong nga kahayag. Hadumduman nana ro bilin it Inang Birhen ag kon paalin nana akuon ro anang guin obra.
Hasta nag-abot eon ro Inang Birhen, guin bo-oe kana ro 13 ka yabe. Guin pangutana imaw kon guin abrehan nana ro ika-13 ka pwertahan. Nagpamalibad imaw. Pagkakita ko anang guina putos nga to-ong alima, guinpangutana eon man imaw kon guin abrehan nana ro ika-13 ka sueod ag nagpamalibad guihapon imaw. Nasubo guid ro Birhen. Guin pahalin imaw sa eangit. Natumba imaw nga owa it pangalibutan. Sa anang pagmuk-eat, una imaw sa tunga it kagueangan nga puro siit ag mga baeagon. Halin kato, una imaw nag-estar. Naga ipo imaw it mga prutas para pagkaon ag nagasaka sa ibabaw it kahoy kon gabii agod indi pagkan-on it mga hayop.
Ko isaeang agahon, guinpukaw imaw it mga eahay it ayam. Ro hari ko royong kaharian hay naga pangayam. Nahum-gan imaw it mga ayam, ngani guin libutan ro puno it mga ayam nga bu-ot imaw angkiton.
Guinpasaka ko hari ro anang mga soldado agod ipanaog kon sin-o ro guina linahay it ayam. Hakita nanda ro isaeang ka babayeng guinaputos it mahaba nga buhok ag gula-gulanit nga eambong. Guindaea imaw sa palasyo ag guinpa paligsan. Tumunga ro anang ka gwapa. Naila kana ro hari, busa guin pakaslan.
Pagtaliwan it sang dag-on, nag onga ro Reyna it gwapahon nga babaye. Nagpakita kana ro Inang Birhen ko gabi-i ngaron. Guin pangutana imaw kon guin buksan nana ro ika-13 nga sueod. Owa guid imaw mag-ako. Ngani guin bo-oe ko Birhen ro anang onga ag daehon idto sa eangit. Sa pagkaduea ko onga, guin pabangdan imaw nga aswang ag imaw nagkaon ko anang onga. Guin sugo it konseho ro hari nga sunugon ro Reyna sa tunga it plaza. Ka’t una imaw naka gapos, nag hinoesoe imaw ko anang pagka purilon.
Sa anang pagtangis ag paghinoe-soe, golpeng nagdueom ag umuean. Napaeong ro kaeayo. Pagkapaea it aso, nagtunga ro Birhen nga guina buytan ro onga nga prinsesa.
"Habatian ko ro imong pag-ako ag paghinoe-soe. Bulahan ro tawo nga nagahinoe-soe ko anang kasae-anan ay imaw paga patawaron." Imaw ro hambae kana it Birhen. Guin hubad ro anang gapos ag anang guinhakos ro anang onga. Nag-hakos man kana ro hari ag malipayon nga nagbalik sanda sa palasyo. /MP
Maangan angan, may nagpakita nga isaeang ka babayeng nagabeste it azul ag may koronang mga bitoon. Naghambae imaw: "Habatian ko ro imo nga kagustuhan. Kung bu-ot ninyo, akon lang nga ampunon ro inyong onga. Ako si Birhen Maria, ag daehon ko idto sa eangit ro inyong onga." Nagpasugot ro mag-asawa. Guindaea ro onga idto sa eangit ag idto imaw kaibahan ko mga angheles naga hinampang. Mayad-ayad ro anang kahimtangan.
Isaeang adlaw, guintawag ko Inang Birhen rondayang onga. "Mapanaw ako sa maeayo. Aywan ko kimo rayang 12 ka yabe. Ro 13 ka sueod hay pwede mo abrehan ogaling ro ika-13 nga sueod nga may maisot nga yabe hay ayaw guid pag buksi. Kon imong buksan, may kapaha-makan kimo nga matabo. Guindawat ko daeaga ro 13 ka yabe. Dayon nga nagpanaw ro Inang Birhen. Kada adlaw, guinabuksan ko daeaga ro 12 ka sueod paagi sa 12 ka yabe. Hakita nana nga may sambilog nga apostoles nga naga pungko sa tunga it kahayag. Naubos eon nana it abre ro 12 ka kwarto. Ro ika 13 hay bu-ot nana nga linglingon ogaling guin bawaean imaw ko mga kahampang nga anghel. Basi kon mapahamak kuno imaw ag kabilin-bilinan ko Birhen nga indi guid pagbuksan ro pwertahan.
Ka’t nagbaealik sa andang mga sueod ro mga anghel, guin buksan nana ag linglingon ro pwertahan. Golpe nga nag uean it kahayag ro sueod ag ro kahayag hay nagdukot sa anang alima. Golpe nanang guinsara ro pwertahan ag naga kurog nga nagdaeagan sa gripo agod hugasan ro anang alima ogaling indi maduea ro matsa bueawan nga kahayag. Guin tago nana ro anang alima sa mga anghel. Hadumduman nana nga idto sa sueod hay naga pungko ro Sagrado nga Trinidad sa tunga it owa it tupong nga kahayag. Hadumduman nana ro bilin it Inang Birhen ag kon paalin nana akuon ro anang guin obra.
Hasta nag-abot eon ro Inang Birhen, guin bo-oe kana ro 13 ka yabe. Guin pangutana imaw kon guin abrehan nana ro ika-13 ka pwertahan. Nagpamalibad imaw. Pagkakita ko anang guina putos nga to-ong alima, guinpangutana eon man imaw kon guin abrehan nana ro ika-13 ka sueod ag nagpamalibad guihapon imaw. Nasubo guid ro Birhen. Guin pahalin imaw sa eangit. Natumba imaw nga owa it pangalibutan. Sa anang pagmuk-eat, una imaw sa tunga it kagueangan nga puro siit ag mga baeagon. Halin kato, una imaw nag-estar. Naga ipo imaw it mga prutas para pagkaon ag nagasaka sa ibabaw it kahoy kon gabii agod indi pagkan-on it mga hayop.
Ko isaeang agahon, guinpukaw imaw it mga eahay it ayam. Ro hari ko royong kaharian hay naga pangayam. Nahum-gan imaw it mga ayam, ngani guin libutan ro puno it mga ayam nga bu-ot imaw angkiton.
Guinpasaka ko hari ro anang mga soldado agod ipanaog kon sin-o ro guina linahay it ayam. Hakita nanda ro isaeang ka babayeng guinaputos it mahaba nga buhok ag gula-gulanit nga eambong. Guindaea imaw sa palasyo ag guinpa paligsan. Tumunga ro anang ka gwapa. Naila kana ro hari, busa guin pakaslan.
Pagtaliwan it sang dag-on, nag onga ro Reyna it gwapahon nga babaye. Nagpakita kana ro Inang Birhen ko gabi-i ngaron. Guin pangutana imaw kon guin buksan nana ro ika-13 nga sueod. Owa guid imaw mag-ako. Ngani guin bo-oe ko Birhen ro anang onga ag daehon idto sa eangit. Sa pagkaduea ko onga, guin pabangdan imaw nga aswang ag imaw nagkaon ko anang onga. Guin sugo it konseho ro hari nga sunugon ro Reyna sa tunga it plaza. Ka’t una imaw naka gapos, nag hinoesoe imaw ko anang pagka purilon.
Sa anang pagtangis ag paghinoe-soe, golpeng nagdueom ag umuean. Napaeong ro kaeayo. Pagkapaea it aso, nagtunga ro Birhen nga guina buytan ro onga nga prinsesa.
"Habatian ko ro imong pag-ako ag paghinoe-soe. Bulahan ro tawo nga nagahinoe-soe ko anang kasae-anan ay imaw paga patawaron." Imaw ro hambae kana it Birhen. Guin hubad ro anang gapos ag anang guinhakos ro anang onga. Nag-hakos man kana ro hari ag malipayon nga nagbalik sanda sa palasyo. /MP
No comments:
Post a Comment