Ni Tita Linda Belayro
Nakakita It Katapat
Siga si Asyong sa andang barangay. Owa it adlaw nga indi imaw madaeahig sa gulo. Kon may panakawan, may naga kaeaduea nga manok, guina bueang man o guina alila-an agud tumambok pang-suea, sigurado nga kaibahan Si Asyong. Sakit guid imaw it mga oeo runa sa barangay ag nabubungoe eon ro andang Punong Barangay sa mga reklamo it mga tawo. Kon sa andang baeay, bakog guid sa tutunlan imaw ko anang ama ag ina. Malipayon guid ro anang ina kon owa sa andang baeay si Asyong.
Ko isaeng gabi-i ngato, nag sininggit ro mga tawo nga may manakaw kuno sa ibabaw it sangka baeay. Sa paino-ino nanda, sigurado nga si Asyong eon man, ogaling idto gali naga hinueagok si Asyong sa baraka ni Aling Piling bangud sa kahilungon. Bukon mat-at si Asyong rato.
Pagkaaga, guin report kay Kapitan ro natabo. Abo nga mga binuead ag mga cellphone ro guin takaw. Guin patawag si Asyong ag guin pangutana kon imaw ro nag bu-oe ko mga naduea. Nag-pamalibad imaw. Indi kana magpati ro mga tawo.
Owa magbuhay, umabot si Aling Piling. Imaw nagtestigo nga si Asyong hay idtot-a naga katoeog sa anang tindahan ko oras nga may hakitang tawo sa bubungan it baeay.
Halin kato, una kay Aling Piling naga binulig si Asyong. Imaw ro naga hakot it baligya ag naga bantay sa baraka.
Pag-abot it Disyembre 25, paskwa, may regalo nga relo si Asyong halin kay Aling Piling. Hangawa ro anang ina kon ham-an it may bag-ong relo si Asyong. Siin maghalin? Pag-kasayod nga guinta-o ni Aling Piling, napahuya ro anang ina. Kapin pa nga guin suguid ni Aling Piling nga guina saligan nana si Asyong.
Suno kay Aling Piling, mayad guid man nga tawo si Asyong. Kinahangean eang nana ro pag intindi it anang isig katawo. Indi dapat husgahan eagi ro sangka tawo bangud naka himo imaw it maeain. Dapat nga gamiton ro pagiging mayad nga pomoeoyo ni Asyong agod mapuslan. Indi man dapat nga husgahan eagi-eagi. Parabil ro tanan, usisaon guid anay it mayad agud indi mapahamak naton ro atong isig katawo.
Halin kato, nagbag-o eon si Asyong. Nakakita it katapat si Aling Piling. /MP
Ko isaeng gabi-i ngato, nag sininggit ro mga tawo nga may manakaw kuno sa ibabaw it sangka baeay. Sa paino-ino nanda, sigurado nga si Asyong eon man, ogaling idto gali naga hinueagok si Asyong sa baraka ni Aling Piling bangud sa kahilungon. Bukon mat-at si Asyong rato.
Pagkaaga, guin report kay Kapitan ro natabo. Abo nga mga binuead ag mga cellphone ro guin takaw. Guin patawag si Asyong ag guin pangutana kon imaw ro nag bu-oe ko mga naduea. Nag-pamalibad imaw. Indi kana magpati ro mga tawo.
Owa magbuhay, umabot si Aling Piling. Imaw nagtestigo nga si Asyong hay idtot-a naga katoeog sa anang tindahan ko oras nga may hakitang tawo sa bubungan it baeay.
Halin kato, una kay Aling Piling naga binulig si Asyong. Imaw ro naga hakot it baligya ag naga bantay sa baraka.
Pag-abot it Disyembre 25, paskwa, may regalo nga relo si Asyong halin kay Aling Piling. Hangawa ro anang ina kon ham-an it may bag-ong relo si Asyong. Siin maghalin? Pag-kasayod nga guinta-o ni Aling Piling, napahuya ro anang ina. Kapin pa nga guin suguid ni Aling Piling nga guina saligan nana si Asyong.
Suno kay Aling Piling, mayad guid man nga tawo si Asyong. Kinahangean eang nana ro pag intindi it anang isig katawo. Indi dapat husgahan eagi ro sangka tawo bangud naka himo imaw it maeain. Dapat nga gamiton ro pagiging mayad nga pomoeoyo ni Asyong agod mapuslan. Indi man dapat nga husgahan eagi-eagi. Parabil ro tanan, usisaon guid anay it mayad agud indi mapahamak naton ro atong isig katawo.
Halin kato, nagbag-o eon si Asyong. Nakakita it katapat si Aling Piling. /MP
No comments:
Post a Comment