Ni Tita Linda Belayro
Kapre
Abo nga mga tinuga iya sa ibabaw it kalibutan nga indi matungkad it syensya. Sa pagtuga it kalibutan, may una man nga mga tinuga nga eain katon ag sanda ra rong mga espiritu nga owa mag apin sa Dios kundi natipeang nga mag-sunod sa engganyo ni Lucifer. Sa makaron, kon my una pa kita nga habatian o nasayuran, mabudlay eon mapa-tihan it tawo bangud naga tiner eon kita sa moderno nga kalibutan.
Ogaling, idto sa mga lugar nga owa pa masakop it moder-nisasyon, nagatuhaw pa guid guihapon ro mga pagpati it mga tawo nga may unang nagatuhaw nga makangawa–ngawa nga indi mapatihan.
Sangka pumueoyo si Pekto, may asawa, isaeang ka mananggete. Parabil mag-oli sa andang baeay, naga inom-inom anay sanda it tuba, beer o lambanog kaibahan ro mga amigo. Ro lambanog hay sangka aeak halin sa niyog nga guina ubrang aeak idto sa Laguna ag Batangas. Sa anang pag-oli ko gabi-i ngato, nag-agi imaw sa mabahoe nga kahoy nga mangga. Tag naga pahilangop imaw sa kahoy, hakita nana sa maeayo ro isaeang ka kaeayo sa ibabaw it kahoy. Pag-eapit nana, hakita pa guid nana ro isaeang ka kapre nga naga abano.
Maskin naga pirot-pirot eon ro anang mata, hakita pa guid nana ro madamoe nga baeahibo ag mahaba nga buhok it kapri. Ro kapre hay naga sandig sa sanga it mangga nga naga abano. Golpe nga guin tunton ko kapre ro anang daywang ka siki, busa kinahangean guid nga mag-agi si Pekto sa tunga ko anang daywang ka siki. Naga kurog nga owa maka hueag si Pekto. Hadumduman nana ro suguilanon ko anang lolo hanungod sa kapre. Indi ka magbalikid. Indi ka magpakita it kahadluk. Ro handumanan nga sugo ko anang lolo. Piniyong nana ro anang mata ag dumiretso. Pag-eampas nana, binalikid nana ro kapri. Owa eon ro kaeayo. Owa eon man ro kapre.
Kon amat, ro atong kahadluk ro aton man nga kaaway. Napierde ni Pekto ro kapri bangud sa anang kaisog. Dumaeagan imaw ag umuli sa andang baeay. Pag-abot sa anda, naduea-an imaw it pangalibutan. /MP
Ogaling, idto sa mga lugar nga owa pa masakop it moder-nisasyon, nagatuhaw pa guid guihapon ro mga pagpati it mga tawo nga may unang nagatuhaw nga makangawa–ngawa nga indi mapatihan.
Sangka pumueoyo si Pekto, may asawa, isaeang ka mananggete. Parabil mag-oli sa andang baeay, naga inom-inom anay sanda it tuba, beer o lambanog kaibahan ro mga amigo. Ro lambanog hay sangka aeak halin sa niyog nga guina ubrang aeak idto sa Laguna ag Batangas. Sa anang pag-oli ko gabi-i ngato, nag-agi imaw sa mabahoe nga kahoy nga mangga. Tag naga pahilangop imaw sa kahoy, hakita nana sa maeayo ro isaeang ka kaeayo sa ibabaw it kahoy. Pag-eapit nana, hakita pa guid nana ro isaeang ka kapre nga naga abano.
Maskin naga pirot-pirot eon ro anang mata, hakita pa guid nana ro madamoe nga baeahibo ag mahaba nga buhok it kapri. Ro kapre hay naga sandig sa sanga it mangga nga naga abano. Golpe nga guin tunton ko kapre ro anang daywang ka siki, busa kinahangean guid nga mag-agi si Pekto sa tunga ko anang daywang ka siki. Naga kurog nga owa maka hueag si Pekto. Hadumduman nana ro suguilanon ko anang lolo hanungod sa kapre. Indi ka magbalikid. Indi ka magpakita it kahadluk. Ro handumanan nga sugo ko anang lolo. Piniyong nana ro anang mata ag dumiretso. Pag-eampas nana, binalikid nana ro kapri. Owa eon ro kaeayo. Owa eon man ro kapre.
Kon amat, ro atong kahadluk ro aton man nga kaaway. Napierde ni Pekto ro kapri bangud sa anang kaisog. Dumaeagan imaw ag umuli sa andang baeay. Pag-abot sa anda, naduea-an imaw it pangalibutan. /MP
No comments:
Post a Comment