Matapos ro Female Medical Ward, kahigayunan man ko Male Medical Ward it Dr. Rafael S. Tumbokon Memorial Hospital (DRSTMH) nga maipa-idaeum sa "Adopt a Ward" project it Aklan Association of Montreal (AAM) nga nakabase sa Montreal, Quebec, Canada. Ro AAM hay grupo it mga Akeanon nga ro tinutuyo hay ro mag implementar it mga proyekto nga makabenepisyo sa mga kasimanwang mga pigadong Akeanon.
Bangud kara, ro Male Medical Ward hay makabaton it mga masunod nga maga halin kay Mr. Larry Panado, pangueo it AAM.
Raya ro: 1) 12 units BM-30R mechanical hospital bed slotted metal top, 2) 12 units mattress 4" thick with leatherette cover, 3) 5 units electric wall fan, ag 4) 12 units blue curtain.
Dugang pa kara, pagapinturahan man ro kabilugan nga kwarto it male medical ward. Ro turn-over ceremony hay pagahiwatun sa August 17, 2010, adlaw nga Martes, 10:00 it agahun. Sa matandaan, una eon nga gin "adopt" it AAM ro Female Medical Ward it DRSTMH kung siin maabong gamit ro gin turn-over ko nagtaliwan nga October 9, 2007.
Raya ro report ni Dr. Paul L. Macahilas-Chief of Hospital II ag ni Palmi L. Isturis-Admin. Officer II it Dr. Rafael S. Tumbokon Memorial Hospital. /MP
No comments:
Post a Comment