Pagbaeabag Sa STL

Raya hay sueat nga ginhimo it mga Kalibo municipal officials, brgy. officials, ag people’s organization nga gin sueat ko Nobyembre 22, 2009 ag gin padaea kay VERY REV. FR. ULYSSES I. DALIDA, Diocesan Administrator, Diocese of Kalibo, Bishop’s Residence, Kalibo, Aklan.

"Mayad-ayad nga adlaw, bilang sabat sa imong pag-apela paagi sa Pastoral Statement on Gambling’ nga ginbasa makarong adlaw sa mga misa sa mga simbahan sa Diocese of Kalibo, sa mga lideres sa pulitika nga amligan ro mismong mga tawo nga ginpangakuan nga serbisyohan kontra sa halit nga daea it kultura it sugae, kami nga mga lideres sa pulitika nga amligan ro mismong mga tawo nga gin pangakuan nga serbisyohan kontra sa halit nga daea it kultura it sugae, ag sa mga kabarang-gayan it Kalibo, hay hugot nga naga hugpong para pama-eabagan ro pag eapta it sugae, legal man o illegal sa among banwa.

Nagakaeasugot ag magabueuligan kami para malikawan ro pagsueod it Small Town Lottery o STL, Jueteng, Casino ag ano pa man nga sistematiko ag organisado nga sahi it sugae sa among banwa ag mga kabaranggayan.
Nahangpan guid namon nga ro sugae hay maga samad sa moralidad it atong mga kasimanwa, magatao it palso nga pagea-um nga maka-tibawas sa kaimueon, magapaeuya sa paghugod ag pagtinguha nanda para mag-asenso man sa pagpangabuhi, ag magasamad ku mayad-ayad nga pagsinaeayo it mga pamilya.

Amon nga gina-agda ro mga non-governmental organizations, civic groups, people’s organiations’, professional ag business groups, youth groups ag student councils nga maghimo it mga tikang para mapamaeabagan ro pageapta it sugae sa atong komunidad.

Matandaan nga bago maghalin si Bishop Romeo O. Lazo sa atong Diocese it Kalibo, nagsaad it promisa ro Mayor it Kalibo nga anang padayunon ro pagkontra sa Small Town Lottery (STL).

Bilang pagpatunay ko among malig-on nga tinindugan kontra sa pag-eapta it sugae sa atong banwa, amon nga gina pirmahan rondaya nga sueat makaron nga adlaw. Nobyembre 22, 2009 iya sa Kalibo, Aklan.

Gin pirmahan nanday: Kalibo Mayor Raymar A. Rebaldo, Former Kalibo Mayor Atty. Allen S. Quimpo, SB members Mark V. Quimpo, Lilian Q. Tirol, Gregorio R. Malapad, Jr., Soviet Russia A. dela Cruz, ag Ronce M. Reyes, Wendell P. Tayco–ABC President, Mary Agnes Jesm Gallardo, SK Federation President, Brgy. Captains Mary Jane A. Rebaldo – Poblacion, Kalibo, Gil P. Isberto–Tigayon, Wilma E. Jizmundo – Tinigaw, Floresta C. Cuadrante – Briones, Alert Bautista – Nalook, Edgar C. Briones – Caano, Helen Castillo – Bakhaw Norte, Ethel P. Marte – Old Buswang, Nedy A. Villanueva – Bakhaw Sur, Rafael P. Anteza – Pook, Daisy C. Andrade – Estancia, Romeo R. Andrade – New Buswang, George L. Quimpo – Poblacion, Danilo R. Francisco – former Kgd. Religious Sector Rep., Linabuan Norte, Ariel O. Fernandez – former SB member and Pres. Intruders Club, Ronald Marte – Pook, Mark Sy – Kalibo, Randy Anthony A. Rebaldo – PTCA/PWD President, People’s Org., and Edgar R. Aranas – Representative, Brgy. Cooperative Affairs, Old Buswang." /MP