Sunday, January 29, 2012

Kalibo LGU Maga Pahayag Sa NSTC Conference


by Doniel B. Aguirre

Napilian ro munisipalidad it Kalibo nga isaea sa siyam ka mga LGUs para mangin presentor sa pagahimuon nga National Tourism Statistics Conference (NSTC) sa ika 16 – 17 it Pebrero 2012. Ro NSTC hay pagahiwatun sa Manila Diamond Hotel, Metro Manila.

Nangin dinapit nga bisita ro Japan International Cooperation Agency (JICA) Consultant nga si Mr. Hiroshi Matsuo, kaibahan nana ro daywa (2) ka katapo it DOT Region 6 ku adlaw nga Biyernes, Enero 26 agud mangin coach sa pag-presentar ku kinse (15) minutos nga powerpoint presentation it “Basic Tourism Statistics System”.
Sa suporta ni Mayor William Lachica, nangin madinaeag-un ro nasambit nga aktibidad. Nagustuhan it JICA expert ro 15 minutos nga powerpoint presentation kapin pa ro pagsaysay nga ginhimo ni Ms. Rhea Rose Meren, Tourism Operations Officer. Magapakita kun mauno ka epektibo ro ginturo it JICA nga tourism statistics nga nakatao it madasig nga resulta sa pagtipon it mga impormasyon nahanungod sa turismo sa banwa it Kalibo.
Mag-uewas pa sa NSTC bilang joint project it Japan International Cooperation Agency ag Department of Tourism hay may pagahimuon man nga “technical exchange program” sa Malaysia. Ro magiging gastos sa pag panaw hay sabat man ku DOT ag JICA. Rong Technical Exchange Program (TEP) sa Malaysia hay pagahimuon man sa Pebrero 19 hasta it 25, 2012. Sa ron-dayang TEP ma-obserbahan ag ma-tun-an ro mga guina himo it nasyong Malaysia sa pag padaeagan ku andang Local Tourism Statistics ag Development Planning. May kahigayunan man nga maka-istorya ro anda idto nga local officials ag key personnel sa tourism.

(Sin-o ro gin pili nga maka sunod sa rayang pag adto sa Malaysia? Nakalipi eon baea si Mayor William Lachica? Kueang ro guin sugid.) /MP

1 comment:

URGENT LOAN OFFER WHATSAPP +918929509036 said...

Are you in need of a loan? Do you want to pay off your bills? Do you want to be financially stable? All you have to do is to contact us for more information on how to get started and get the loan you desire. This offer is open to all that will be able to repay back in due time. Note-that repayment time frame is negotiable and at interest rate of 3% just email us (creditloan11@gmail.com)